الليلة حنتعلم كيف نبني مخزن ضوء شمسي مشتت عشان نقدر نخزن تقاوي البطاطس بشكل صحيح عشان نحضر للموسم الجاي.
ما بتحتاج لي معدات خاصة ومكلفة. ممكن نلقا المواد البنحتاجها محلياً
أو ممكن نصلح هيكل أصلاً كان موجود بدل مانبني واحد جديد.
يلا نبدأ نبني
أول شئ وقبل أي حاجة
لازم نحدد كمية التقاوي المحتاجين نخزنها عشان نقدر نحدد حجم المخزن الحانبنيهو.
عشان نخزن كمية مابين طنين لي ثلاثة أطنان من تقاوي البطاطس لزراعة فدانين و تمن ، حنبني مخزن طولو ٦ متر وعرضو ٣ متر وأرتفاعو مترين ونص
مكان البناء لازم يكون مستوي ومفتوح.
دا بيخلي ضو الشمس الطبيعي والهوا اخش بحرية عشان تكون التهوية جيدة.
بعد ما اخترنا الموقع، يلا نجمع المواد البنحتاج ليها.
في الحالة بتاعتنا دي حنستخدم عروق خشبيه او مواسير حديد و قطاع خشب او حديد و صفيح او زنك عادي اوالشفاف ومسامير للسقف العادية دي وأخيراً نملي مانع للحشرات.
يلا نبدأ بالهيكل أو الأساس.
حنستخدم العروق و مواسير الحديد والخشب في الهيكل دا.
أول شئ ، حنقوم بتركيب العروق اومواسير الحديد و نشكل هيكل السقف.
بعد داك حنجلد الحيط والسقف لحد مستوي السقف بالنملي المانع للحشرات ، عشان نمنع حشرات المن ويرقات البطاطس من الدخوول.
آخر شي حنثبت الالواح الخشبية الفضلت والواح الزنك حول الجداران ، ولازم نترك مسافة بوصة واحدة بين القطع عشان نحافظ علي تهوية البطاطس ونخلي الضوء يدخل.
